ԵՐԵՎԱՆ, 17 նոյեմբերի – Sputnik. Նոյեմբերի 17-ին՝ ժամը 09:30-ի դրությամբ, Ջերմուկում, Սարավանում, Մեղրիում տեղում է ձյուն, հայտնում է ՀՀ տրանսպորտի և կապի նախարարության լրատվական ծառայությունը։
Ըստ տեղեկատվության` Տիգրանաշենի և Վարդենյաց լեռնանցքներում տեղում է ձնախառն անձրև։
Անվտանգ երթևեկությունն ապահովելու նպատակով ճանապարհաշինարարներն ավտոճանապարհներին կատարում են աղով, ավազով մշակման և մաքրման աշխատանքներ։
Միջպետական և հանրապետական նշանակության ավտոճանապարհները բաց են:
ՀՀ տարածքային կառավարման և արտակարգ իրավիճակների նախարարությունը տեղեկացնում է, որ նոյեմբերի 17-ի ժամը 10.00-ի դրությամբ ՀՀ տարածքում ավտոճանապարհները հիմնականում անցանելի են:
Դժվարանցանելի է Սոթք-Քարվաճառ ավտոճանապարհը:
ՀՀ ՏԿԱԻ նախարարությունը վարորդներին խորհուրդ է տալիս վերոնշյալ ճանապարհահատվածներով երթևեկել միայն խիստ անհրաժեշտության դեպքում` ձմեռային անվադողերով:
Վրաստանի ՆԳՆ ԱԻ դեպարտամենտից ստացված տեղեկատվության համաձայն` Ստեփանծմինդա-Լարս ավտոճանապարհը բաց է բոլոր տեսակի ավտոմեքենաների համար` անվաշղթաների կիրառման դեպքում:
Հայաստանի մի շարք շրջաններում ձյուն է տեղում, ճանապարհները հիմնականում անցանելի են
© Sputnik / Валерий Шустов
/ Բաժանորդագրվեք
ՀՀ տարածքում ավտոճանապարհները հիմնականում անցանելի են
