ԵՐԵՎԱՆ, 20 նոյեմբերի– Sputnik. Ամերիկյան Spirit Airlines ավիաընկերության А320 ինքնաթիռը 92 ուղևորներով արտակարգ վայրէջք է կատարել Ֆլորիդա նահանգի Ֆորտ Լոդերդեյլ միջազգային օդանավակայանում պայթյունի սպառնալիքի պատճառով, հաղորդում է Miami Herald հրատարակությունը։
Ֆորտ Լոդերդեյլ–Մինեապոլիս չվերթն իրականացնող ինքնաթիռն օդում գտնվել է ընդամենը 15 րոպե, երբ որոշում է ընդունվել վերադառնալ օդանավակայան` անվտանգության նկատառումներով ելնելով։
Օդանավը վայրէջք է կատարել տեղի ժամանակով 23։05–ին։
«Ինքնաթիռն անվտանգ վայրում է գտնվում, տվյալ պահին սպառնալիքը չի բացահայտվել, բայց պետք է անցկացվի ստուգում։ Ակնհայտ է, որ այդ մասին հաղորդել է ուղևորներից մեկը, բայց մենք պետք է լուրջ ընդունենք նման բաները»,– հաղորդել է հրշեջ փրկարարական թիմի մամուլի քարտուղար Մայք Յախլեսը Twitter–ի իր էջում։
ԶԼՄ. А320 ինքնաթիռն արտակարգ վայրէջք է կատարել ԱՄՆ–ում ռումբի մասին տեղեկություներից հետո
11:40 20.11.2015 (Թարմացված է: 12:15 20.11.2015)
© Sputnik / Руслан Кривобок
/ Բաժանորդագրվել
Ֆորտ Լոդերդեյլ–Մինեապոլիս չվերթը վերադարձել է օդանավակայան թռիչքից 15 րոպե հետո։ Ոստիկանները կանցկացնեն ինքնաթիռի ստուգում։ Ինքնաթիռում ռումբ լինելու մասին կարող էր հաղորդել ուղևորներից մեկը
