ԵՐԵՎԱՆ, 20 նոյեմբերի – Sputnik. Լեհաստանի Հեռուստատեսության և ռադիոհեռարձակման ազգային խորհուրդը լուծարել է հեռարձակման արտոնագիրը տեղի Radio Hobby ռադիոկայանի համար, որը վերահեռարձակում է Sputnik ռադիոյի լեհական խմբագրության ծրագրերը, հաղորդում է KRRiT պաշտոնական կայքը։
Radio Hobby–ն վերահեռարձակում է Sputnik ռադիոյի հաղորդումներն օրական մեկ ժամ` ժամը 21։00-22։00-ն, պայմանագրի հիման վրա, որը ստորագրվել է երեք տարի առաջ «Գոլոս Ռոսիի» ռադիոկայանի հետ։
«Հեռուստատեսության և ռադիոհեռարձակման ազգային խորհուրդը 2015թ.–ի նոյեմբերի 17–ին որոշում է ընդունել Hobby ընկերությանը, որը գտնվում է Լեգիոնովոյում (Վարշավայի արվարձան), տրված արտոնագիրը ետ կանչելու մասին` կապված պայմանները խախտելու հետ, որոնք նշված են հեռուստառադիոհեռարձակման մասին օրենքում»,– ասվում է հաղորդագրությունում։
Հեռուստատեսության և ռադիոհեռարձակման ազգային խորհուրդը փաստաթղթերի վերլուծության արդյունքում գտել է, որ Radio Hobby–ն խախտում է հեռուստատեսության և ռադիոյի մասին օրենքի նորմերը։ Արտոնագրի իրավունքը չի պատկանում հաղորդմանը, իսկ արտոնագիրը չի կարող լինել առևտրային գործարքների առարկա։
«Radio Hobby ծրագրում Radio Sputnik–ի ծրագրերը հեռարձակելու հետ կապված` Հեռուստատեսության և ռադիոհեռարձակման ազգային խորհուրդը հեռարձակման պայմանների վերլուծությունից հետո հանգել է եզրակացության, որ հեռարձակողը հանձնել է իր իրավունքների մի մասը, որոնք նրան տրամադրվել են արտոնագրով, ինչը օրենսդրության խախտում է և միաժամանակ հիմք է ծառայում արտոնագիրը ետ կանչելու համար»,– ասվում է հաղորդագրությունում։
Արտոնագրի լուծարման ընթացակարգը սկսվել է 2015թ.–ի հուլիսին։ Այն ժամանակ «Ռոսիա սեգոդնյա» ՄԼԳ–ի գլխավոր խմբագիր Մարգարիտա Սիմոնյանը, որի կազմի մեջ մտնում է Sputnik–ը, հայտարարել էր, որ նման որոշումն ափսոսանք է առաջացնում։ «Ցավում եմ, որ ուրիշ կարծիք հեռարձակելու համար ռադիոկայաններ փակող մարդիկ շարունակում են հավատալ, որ ապրում են ժողովրդարության մեջ»,– ասել է Սիմոնյանը։
Sputnik–ն ընդգրկում է կայքեր, անալոգային և թվային ռադիոհեռարձակում, բջջային հավելվածներ և էջեր սոցցանցերում։ Sputnik–ի լրահոսը շուրջօրյա թողարկվում է անգլերեն, արաբերեն, իսպաներեն և չինարեն
լեզուներով։
Sputnik–ի կայքերը գործում են ավելի քան 30 լեզուներով` ներառյալ անգլերեն, ֆրանսերեն, սերբերեն, պորտուգալերեն, արաբերեն, հինդի, լեհերեն, իտալերեն, իսպաներեն, չինարեն, թուրքերեն լեզուները։ Կայքն ընթերցողին տրամադրում է բազմազան կոնտենտ` ինֆոգրաֆիկա, տեսանյութեր, ֆոտոռեպորտաժներ, առցանց եթերներ, ինտերնետային քվեարկություններ։ Բացի օպերատիվ լուրերից, Sputnik–ն իր լսարանին է առաջարկում նաև վերլուծական նյութեր, բացառիկ հարցազրույցներ, փորձագիտական գնահատականներ։
Լեհաստանը լուծարել է Radio Hobby–ի արտոնագիրը, որը վերահեռարձակում է Sputnik–ը
13:19 20.11.2015 (Թարմացված է: 14:03 20.11.2015)
© Sputnik / Алексей Даничев
/ Բաժանորդագրվել
Radio Hobby–ն վերահեռարձակում է Sputnik ռադիոյի հաղորդումները օրական մեկ ժամ` ժամը 21։00–22։00-ն։ Ռադիոկայանի արտոնագիրը ետ է կանչվել` կապված պայմանները խախտելու հետ, որոնք նշված են հեռուստառադիոհեռարձակման մասին օրենքում, հաղորդում է KRRiT պաշտոնական կայքը
