ԵՐԵՎԱՆ, 25 նոյեմբերի– Sputnik. Ռուսական գազի առաքումներն Ուկրաինա դադարում են մինչև «Նավթոգազից» վճարումներ ստանալը, հաղորդել է «Գազպրոմի» կառավարման նախագահ Ալեքսեյ Միլերը։
«Այսօր ժամը 10–ին «Ուկրաինայի նավթոգազն» ընտրել է ռուսական գազի նախօրոք վճարված ծավալները։ Նոր կանխավճարներ չեն ստացվել։ «Ուկրաինայի նավթոգազից» գազի առաքման մասին հայտ չկան։ Այսպիսով, առաքումները դադարում են մինչև ուկրաինական ընկերություններից նոր վճարումները»,– լրագրողներին ասել է «Գազպրոմի» ղեկավարը։
Միաժամանակ մինչև սաստիկ ցրտերի սկսվելն Ուկրաինան գազ է սպառում ստորգետնյա պահեստարաններից, որոնք բավականաչափ լիքը չեն, հավելել է նա։
«Ռուսական գազի գնումից հրաժարվելը լուրջ ռիսկեր կստեղծի դեպի Եվրոպա Ուկրաինայի տարածքով հուսալի տարանցման և ձմռանն ուկրաինացի սպառողների գազամատակարարման համար»,– ընդգծել է Միլերը։
