Թուրքիայի ԱԳՆ–ի ղեկավարը ցավակցություն է հայտնել Ռուսաստանի արտգործնախարարին

© Sputnik / Asatur Yesayants / Министр иностранных дел России Сергей Лавров
Министр иностранных дел России Сергей Лавров - Sputnik Արմենիա
Բաժանորդագրվեք
НовостиTelegram
Թուրքիայի արտգործնախարար Մևլութ Չավուշօղլուն հեռախոսազրույց է ունեցել ՌԴ ԱԳՆ–ի ղեկավար Սերգեյ Լավրովի հետ և ցավակցություն է հայտնել ռուս զինծառայողների մահվան կապակցությամբ

ԵՐԵՎԱՆ, 25 նոյեմբերի — Sputnik. ՌԴ ԱԳՆ ղեկավար Սերգեյ Լավրովը հայտնել է, որ թուրք գործընկեր Մևլութ Չավուշօղլուն զանգահարել է և ցավակցություն հայտնել Սու-24 օդանավի կործանման կապակցությամբ։

«Ես հենց նոր եմ ավարտել հեռախոսազրույցս Թուրքիայի արտաքին գործերի նախարար Չավուշօղլուի հետ, ով երեկ է նշանակվել և խնդրել է շտապ հեռախոսային կապ հաստատել։ Իհարկե, մենք թուրքական կողմից երեկ էինք սպասում բացատրությունների։ Սակայն ավելի լավ է ուշ, քան երբեք», — հայտնել է Լավրովը ռուսական և արտասահմանյան ԶԼՄ-ներին տված հարցազրույցում։

«Թուրքիայի արտգործնախարարը հեռախոսազրույցը սկսեց ցավակցությունից, ափսոսանք հայտնեց կատարվածի կապակցությամբ, սակայն միաժամանակ փորձում էր արդարացնել Թուրքիայի ՌՕՈՒ-ի գործողությունները և նշում էր, թե օդանավը խախտել է Թուրքիայի օդային տարածքը», — ասել է Լավրովը։

 

Լրահոս
0