ԵՐԵՎԱՆ, 26 նոյեմբերի —Sputnik. Հայկական շախմատի առաջատար Լևոն Արոնյանը կմասնակցի London Chess Classic մրցաշարին, որը կանցկացվի դեկտեմբերի 4-13-ը Լոնդոնում:
Հայ գրոսմայստերը կունենա 9 մրցակից՝ Մագնուս Կարլսենը (Նորվեգիա), Ֆաբիանո Կարուանան (ԱՄՆ), Հիկարու Նակամուրան (ԱՄՆ), Վեսելին Տոպալովը (Բուլղարիա), Ալեքսանդր Գրիշչուկը (Ռուսաստան), Վիշվանաթան Անանդը (Հնդկաստան), Անիշ Գիրին (Հոլանդիա), Մայքլ Ադամսը (Անգլիա) և Մաքսիմ Վաշյե-Լագրավը (Ֆրանսիա), հայտնում է մրցաշարի կայքը:
Oրեր առաջ Լևոն Արոնյանը Հայաստանի հավաքականի կազմում մասնակցել էր Իսլանդիայի մայրաքաղաք Ռեյկյավիկում ավարտված Եվրոպայի թիմային առաջնությանը և դարձել փոխչեմպիոն:
