Ռուսաստանցիներն Ամանորին Հայաստան են գալիս

© Sputnik / Асатур ЕсаянцЕреван, Армения
Ереван, Армения - Sputnik Արմենիա
Բաժանորդագրվեք
НовостиTelegram
Վարկանիշը կազմվել է` հիմնվելով զբոսաշրջիկների կողմից հյուրանոցների ամրագրման տվյալների վրա

ԵՐԵՎԱՆ, 29 նոյեմբերի — Sputnik.  Հայաստանն ընդգրկվել է երեխաների հետ ձմեռային ճանապարհորդությունների ամենամատչելի երկրների եռյակում, այս մասին վկայում են travel.ru տուրիստական պորտալի հետազոտությունների արդյունքները: Ընդ որում Երևանը նաև Նոր տարվա տոների ամենանախընտրելի արտասահմանյան քաղաքների տասնյակում է։

Վարկանիշը հիմնված է զբոսաշրջիկների կողմից հյուրանոցների ամրագրման տվյալների վրա:

Պորտալի տվյալներով` ամենապահանջված և լավ ժամանակ անցկացնելու համար ամենամատչելի վայր է ճանաչվել Մինսկը: Բելառուսում Նոր տարվա տոների շրջանում հանգիստը կազմում է 2.2 հազար ռուսական ռուբլի (17000 դրամ) մեկ օրվա համար, Հայաստանում` 2.5 հազար ռուբլի (19000 դրամ), Չինաստանում` 2.7 հազար ռուբլի (21000 դրամ):

Ռուսաստանի զբոսաշրջիկները երեխաների հետ իրենց հանգիստն Ամանորին հիմնականում նախընտրում են անցկացնել առաջին տասնյակը ներկայացնող  հետևյալ երկրներում` Բելառուս, Էստոնիա, Լատվիա, Լիտվա, Չեխիա, Թաիլանդ, Իտալիա, Իսպանիա, Գերմանիա և Լեհաստան:

Ընտանիքի համար Ամանորյա հանգստի «լողափային ուղղությունների» ամենանախընտրելի եռյակում են Պխուկետը (Թաիլանդ), Բալին (Ինդոնեզիա) և Դուբայը (ՄԱԷ):

Լրահոս
0