Հայաստանի միջպետական և հանրապետական նշանակության ավտոճանապարհները բաց են

ԵՐԵՎԱՆ, 1 դեկտեմբերի — Sputnik. Դեկտեմբերի 1-ի ժամը 09.00-ի դրությամբ ՀՀ տարածքում ավտոճանապարհներն անցանելի են, տեղեկացնում է ՀՀ տարածքային կառավարման և արտակարգ իրավիճակների նախարարությունը։

Ըստ տրանսպորտի և կապի նախարարության տվյալների` ձյուն է  տեղում Մարալիկում, Արթիկում, Գյումրիում, Աշոցքում, Թալինում, Աշտարակում, Ապարանում, Արագածում, Հրազդանում, Սևանում, Գավառում, Դիլիջանում, ինչպես նաև Ջաջուռի և Քեթիի լեռնանցքներում:

Վթարներից, պատահարներից և խցանումներից խուսափելու  նպատակով  վարորդներին  խորհուրդ է  տրվում  երթևեկել  բացառապես ձմեռային  անվադողերով:

Վրաստանի ՆԳՆ ԱԻ դեպարտամենտից ստացված տեղեկատվության համաձայն` Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար` անվաշղթաների կիրառման դեպքում: