ԵՐԵՎԱՆ, 1 դեկտեմբերի — Sputnik. Ստամբուլի մետրոյի «Բայրամփաշա» կայարանի գետնանցումում պայթյուն է որոտացել, հայտնում է NTV-ն։
Դեպքի վայր են ժամանել շտապօգնության և հրշեջ մեքենաները։ Haberturk հեռուստաընկերության տվյալով` մեկ մարդ մահացել է, մեկն էլ` վիրավորվել։
Գնացքների երթևեկը դադարեցվել է։ Պայթյունի պատճառն առայժմ պարզ չէ։ Նախնական տվյալով` պայթյունը կարող էր տեղի ունենալ տրանսֆորմատորային խցիկում։
