«Իսլամական պետության» զավթած տարածքների բնակիչները պատմում են, թե ինչ է կատարվում ահաբեկիչների վերահսկողության տակ գտնվող շրջաններում, ինչպես են գրոհայինները վարվում խաղաղ քաղաքացիների հետ
Սիրիական Էլ Քարյաթեյն գյուղի բնակիչ Ջամալ Ասաֆ Կումը պատմում է, թե ինչպես են «Իսլամական պետության» գրոհայիններն ավերել կրոնական հաստատությունները և գլխագին ստանալու նպատակով պատանդ վերցրել խաղաղ բնակիչներին։
«Նրանք գողացել են ունեցվածքը, քանդել եկեղեցիները, հողին հավասարեցրել վանքերը, առևանգել մեր քրիստոնյա քույրերին։ Նրանցից մի քանիսին պատանդ են վերցրել և գլխագին են պահանջել»,- ասել է նա։
Գազիա Սուվայդանը պատմել է, որ ահաբեկիչները գլխատում են մարդկանց, առևանգում կանանց և արգելում են բնակիչներին լքել քաղաքը։
2011 թվականի մարտից Սիրիայում զինված հակամարտություն է ընթանում, որի հետևանքով, ըստ ՄԱԿ-ի տվյալների, ավելի քան 250 հազար մարդ է զոհվել։ Կառավարական զորքերը դիմակայում են տարբեր զինված կազմավորումներին պատկանող գրոհայինների ջոկատներին։ Առավել ակտիվ են «Իսլամական պետություն» և «Ջեբհաթ ան Նուսրա» ծայրահեղական խմբավորումները։
Նախագահ Բաշար Ասադի խնդրանքով Ռուսաստանը սեպտեմբերի 30-ից թիրախային ավիահարվածներ է հասցնում «Իսլամական պետության» օբյեկտներին։
