ԵՐԵՎԱՆ, 2 դեկտեմբերի- Sputnik. Ռուս կլիմայագետները վերլուծել են, թե գալիք հազարամյակում ինչպես է փոխվելու արևային ակտիվությունը, և պարզել են, որ 21-րդ դարի կեսին արևի ակտիվության նվազումը Եվրոպայում ջերմաստիճանի նվազման կհանգեցնի: Այս մասին հայտնում է Մոսկվայի Լոմոնոսովի անվան պետական համալսարանի մամուլի ծառայությունը։
Մեծ Բրիտանիայի և Ռուսաստանի կլիմայագետների հրապարակած հոդվածում նշվում է, որ արևի ակտիվության նվազման փուլը կարող է սկսվել առաջիկա տասնամյակում։
Նման եզրակացության են հանգել Կիևում Տիեզերական հետազոտությունների ինստիտուտի աշխատակից Վալենտինա Ժարկովան, ՄՊՀ-ի աշխատակից Ելենա Պոպովան և նրանց գործընկերները, որոնց մշակած մեթոդաբանության շնորհիվ կարելի է մի քանի հարյուրամյակ, նույնիսկ հազարամյակ առաջ որոշել, թե ինչ տատանումներ են լինելու արևային փուլերում։ Նրանց եզրակացությունները հրապարակվել են Scientific Reports ամսագրում։
