Փրկարարները գեներատոր են բերել Ղրիմի հոսանքազրկված այգի և փոխել փոկերի ջուրը

ԱԻՆ աշխատակիցները Բելգորոդի առյուծների «Տայգան» այգում փոխել են փոկերի ավազանի ջուրը, այգու բնակիչների կյանքին վտանգ էր սպառնում, քանի որ Ղրիմի Խերսոնի շրջանում նոյեմբերի 22-ին վնասվել էր էլեկտրահաղորդման գիծը

Ղրիմի հոսանքազրկումից և վթարային անջատումների ժամանակացույց հաստատելուց հետո խնդիրներ են առաջացել «Տայգան» այգում. այստեղ ցուրտ կացարաններում են մնացել առյուծները, այդ թվում` նորածին կորյունները։
 
Ռուսաստանի ԱԻՆ աշխատակիցները Ղրիմում տեղադրել են 100 կՎտ հզորությամբ դիզելային գեներատոր, որը էլեկտրաէներգիայով կապահովի գիշատիչ կենդանիների ձմեռային կացարանները, հայտնում է ՌԴ ԱԻՆ մամուլի ծառայությունը։
 
Կենդանիներին փրկելու գործողությունները վերահսկում է Ղրիմի ԱԻՆ օպերատիվ խմբի ղեկավար, փոխնախարար Ալեքսանդր Չուպրիյանը։
 
«Բանն այն է, որ մարդիկ կարող են սպասել, ինչը և անում են, սակայն կենդանիները` ոչ, և մարդիկ պետք է նրանց օգնեն», – կարծում է նա։
 
Փրկարարները նաև օգնել են փոխել փոկերի ավազանի ջուրը։
 
«Հոսանքազրկման պատճառով ջուրը հնարավոր չի եղել փոխել։  Իսկ Վիլիի ու Մալիշի (փոկեր) ջուրը պետք է փոխել 7-10 օրը մեկ», – ասել է կենդանաբանական այգու աշխատակիցը։
 
Բելգորոդի առյուծների «Տայգան» այգում բնակվում է 70 առյուծ, 45 վագր և կատվազգիների ևս 30 ներկայացուցիչ։ Բացի նրանցից, այգում բնակվում են  ընձուղտներ, կապիկներ, շներ, կրծողներ և շատ այլ կենդանիներ։