ԵՐԵՎԱՆ, 3 դեկտեմբերի – Sputnik. Հայաստանում դեկտեմբերի 3-ին ամենուրեք ձյուն է տեղում, հատկապես լեռնային գոտիներում տեղումներ են ինտենսիվ ձյան տեսքով, ինչպես նաև բուք, մերկասառույց և տեսանելիության անկում, հաղորդում է ՀՀ ՏԿԱԻՆ կայքը:
Ըստ հիդրոօդերևութաբանների` դեկտեմբերի 4-ին և 6-ին առավելապես արևելյան շրջաններում, 5-ին շրջանների մեծ մասում ձյան տեսքով տեղումները կպահպանվեն, սակայն կդիտվի նրանց ինտենսիվության զգալի նվազում:
Դեկտեմբերի 7-ին սպասվում է առանց տեղումների եղանակ:
Քամին կլինի հյուսիս-արևմտյան` 2-7 մ/վրկ արագությամբ, 3-ին առանձին վայրերում հնարավոր է քամու ուժգնացում՝ 20-25 մ/վրկ արագությամբ:
Օդի ջերմաստիճանն աստիճանաբար կնվազի 10-12 աստիճանով:
Երևանում դեկտեմբերի 3-ին ժամանակ առ ժամանակ սպասվում է ձյուն, 4-ին և 6-7-ին` առանց տեղումների եղանակ: Դեկտեմբերի 5-ին կա թույլ ձյան հավանականություն:
Այսօր ցերեկը Երևանում կլինի 0-2 աստիճան տաքություն, երեկոյան` 2-4 աստիճան ցուրտ։
Դեկտեմբերի 3-ի ժամը 09.00-ի դրությամբ ՀՀ տարածքում ավտոճանապարհները հիմնականում անցանելի են:
Դժվարանցանելի է Սոթք-Քարվաճառ ավտոճանապարհը և Վարդենյաց լեռնանցքը:
Տիգրանաշենի ոլորաններում առկա է մառախուղ, իսկ Սիսիան-Երևան ավտոճանապարհին՝ Գորայք գյուղի հատվածում, տեղ-տեղ առկա է մերկասառույց:
ՃԱՆՇԻՆ-ի աշխատակիցների կողմից իրականացվում են ճանապարհների մշակման և մաքրման աշխատանքներ:
Վրաստանի ՆԳՆ ԱԻ դեպարտամենտից ստացված տեղեկատվության համաձայն` Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար` անվաշղթաների կիրառման դեպքում:
Հայաստանում ձյուն է, բուք, մերկասառույց
09:52 03.12.2015 (Թարմացված է: 14:15 03.12.2015)
© Sputnik / Асатур Есаянц
Բաժանորդագրվեք
Հայաստանում դեկտեմբերի 3-ին ամենուրեք ձյուն է տեղում, հատկապես լեռնային գոտիներում տեղումներ են ինտենսիվ ձյան տեսքով, ինչպես նաև բուք, մերկասառույց և տեսանելիության անկում, հաղորդում է ՀՀ ՏԿԱԻՆ կայքը:
