«Ոչ» և «Նոր Հայաստան» ընդդիմադիր շարժումները միասնական երթ են անցկացրել

Բաժանորդագրվեք
НовостиTelegram
«Ոչ» և «Նոր Հայաստան» ընդդիմադիր շարժումներն Ազատության հրապարակում անցկացրեցին հերթական հանրահավաքը` պահանջելով չեղյալ հայտարարել դեկտեմբերի 6–ին տեղի ունեցած հանրաքվեի արդյունքները և իշխանությունների հրաժարականը` երկրի նախագահ Սերժ Սարգսյանի գլխավորությամբ։

Դեկտեմբերի 6–ին Հայաստանում տեղի ունեցավ սահմանադրական բարեփոխումների հանրաքվեն։ Նախնական տվյալներով` ընտրողների մեծամասնությունն «այո» է ասել փոփոխություններին։

Ժամը 16։00–ին Ազատության հրապարակում իր հանրահավաքը սկսեց «Նոր Հայաստան» շարժումը, որը հանրաքվեի արդյունքները չեղյալ հայտարարելու պահանջով երթ անցկացրեց Երևանի կենտրոնական փողոցներով` շարժվելով դեպի ԿԸՀ շենք։ Այնտեղ նրանք հայտարարեցին հանրաքվեի ընթացքում տեղի ունեցած բազմաթիվ խախտումների մասին և պահանջեցին ԿԸՀ ղեկավար Տիգրան Մուկուչյանի հրաժարականը։ Վերադառնալով Ազատության հրապարակ` նրանք միացան «Ոչ» շարժմանը, որը հանդես է գալիս նույն պահանջներով։ «Նոր Հայաստան» ճակատի ղեկավարությունը հայտարարեց, որ կշարունակի  նստացույցը` ամեն օր ժամը 17։00–ին տեղեկացնելով քաղաքացիներին և ԶԼՄ–ներին իր մտադրությունների մասին։

«Ժառանգություն» կուսակցության նախագահը և «Նոր Հայաստանի» ղեկավարներից մեկը կոչ արեցին դեկտեմբերի 11–ին` ժամը 17։00–ին, անցկացնել համազգային հանրահավաք։ «Ոչ» շարժման առաջնորդներն իրենց հերթին հայտարարեցին, որ նախատեսում են ԿԸՀ–ին նյութեր հանձնել հանրաքվեի ընթացքում խախտումների մասին` կոչ անելով անվավեր ճանաչել այն։ Նրանք հայտարարեցին դեկտեմբերի 10–ին երթ անցկացնելու մտադրության մասին և կոչ արեցին միանալ իրենց, և դրական պատասխան ստացան։ Երկու ընդդիմադիր կուսակցությունների ցույցն ավարտվեց Երևանի փողոցներում համատեղ երթով։

Լրահոս
0