ԵՐԵՎԱՆ, 10 դեկտեմբերի – Sputnik. Արագածոտնի և Լոռու մարզերում փրկարարները դեկտեմբերի 9-ին ավելի քան չորս տասնյակ ավտոմեքենա են դուրս բերել ձյան և մերկասառույցի արգելափակումից, հաղորդում են ՀՀ տարածքային կառավարման և արտակարգ իրավիճակների նախարարությունից։
Մասնավորապես, Արագածոտնի մարզում 17 ավտոմեքենա ձյան շերտում արգելափակվել է Ապարան-Վարդենիս ավտոճանապարհին, 4 ավտոմեքենա` Ապարան-Եղիպատրուշ ավտոճանապարհին, բոլոր մեքենաները դուրս են բերվել փրկարարների կողմից: Լոռու մարզի Շահումյան գյուղում էլ հրշեջ-փրկարարները ձյան արգելափակումից դուրս են բերել «ՈՒԱԶ» մակնիշի ավտոմեքենան:
4 դեկտեմբերի 2015, 10:50
Իսկ Ապարան-Նիգավան ավտոճանապարհին ավտոմեքենաներն արգելափակվել են ոչ թե ձյան, այլ մերկասառույցի պատճառով։ Այստեղ հրշեջ-փրկարարների և «Ապարանի ՃՇՇ» ՓԲԸ-ի աշխատակիցների ուժերով արգելափակումից դուրս է բերվել 20 բեռնատար ավտոմեքենա:
