ԵՐԵՎԱՆ, 14 դեկտեմբերի– Sputnik. Կիլիկիո արքա Լևոն Առաջինի (1198-1219թթ.) գահակալության ժամանակաշրջանին պատկանող հայկական հազվագյուտ ոսկե մետաղադրամ է առցանց աճուրդի դրվել Cngcoins.com կայքում:
Մետաղադրամի տրամագիծը 19.5 միլիմետր է, քաշը՝ 2.46 գրամ: Մետաղադրամի մի կողմում պատկերված է Լևոն Առաջինը՝ առյուծի գահին բազմած, ձախ ձեռքում` ջրաշուշան, իսկ աջում՝ խաչ: Մետաղադրամի հակառակ կողմում հետևի երկու թաթերի վրա կանգնած առյուծ է՝ կաթողիկոսի խաչով:
Աճուրդի դրված մետաղադրամը ներկայացվել է Լոուրենս Ադամսի «Արարատյան հավաքածուից»: Լոտի մեկնարկային գինը 50 000 դոլար է: Կիլիկյան մետաղադրամի նոր սեփականատերը հայտնի կդառնա 2016 թ. հունվարի սկզբին:
Կիլիկիայի Լևոն I արքայի մետաղադրամը կվաճառվի աճուրդում
14:34 14.12.2015 (Թարմացված է: 14:35 14.12.2015)
© Cngcoins
Բաժանորդագրվել
Cngcoins.com կայքն առցանց աճուրդի է դրել Կիլիկիո Լևոն Առաջին արքայի գահակալության ժամանակաշրջանին պատկանող հազվագյուտ ոսկե մետաղադրամ
