ԵՐԵՎԱՆ, 15 դեկտեմբերի– Sputnik. Հայաստանի Հանրապետության «Կամխուդ» բարձր լեռնային զորավարժարանում Հարավային ռազմական օկրուգի (ՀՌՕ) ռուսական ռազմակայանի անօդաչու թռչող սարքերի ստորաբաժանումները սկսել են ընթացիկ տարվա հոկտեմբերին սպառազինության շարքերը համալրած «Օռլան 10» ժամանակակից համալիրի յուրացումը, հաղորդում է ՀՌՕ մամուլի ծառայությունը։
Անօդաչու թռչող սարքերի նոր համալիրում աշխատելու են Մոսկվայի շրջանում անօդաչու ավիացիայի ուսումնական կենտրոնում նախապատրաստում անցած զինծառայողներ, որոնք անօդաչու ինքնաթիռների տեխնիկական բնութագրերի և շահագործման կանոնների տեսական ստուգարքներ են հանձնել։
«Օռլան 10» համալիրով առաջին անգամ հնարավոր կլինի հետևել բարձր լեռնային տեղանքում տարածական և լոկալ օբյեկտներին` հետախուզական ստորաբաժանումների շահերից ելնելով, ինչպես նաև ապահովել ռազմակայանի ստորաբաժանումների մարտական պատրաստվածության պարապմունքները։
Զինվորականները կսովորեն նաև տեղակայել «Նավոդչիկ 2» հետախուզական համալիրը, նախապատրաստել այն գործարկման, իրականացնել ինքնաթիռների գործարկումը և վայրէջքը, ինչպես նաև օդում տարբեր առաջադրանքներ կատարել։
«Նավոդչիկ 2» և «Օռլան 10» ժամանակակից համալիրների միավորման օգտագործմամբ 5 անգամ ավելանում է կատարվող առաջադրանքների ծավալը ՀՀ բարձր լեռնային տեղանքում հետախուզական և հատուկ ստորաբաժանումների համար։
Նոր անօդաչու ինքնաթիռներ Հայաստանի ռուսական ռազմակայանում
© Sputnik / Евгений Биятов
/ Բաժանորդագրվել
Ընթացիկ ձմեռային ուսումնական շրջանում կգործարկվեն անօդաչու ինքնաթիռների բոլոր տեսակները` «Կամխուդ» և «Ալագյազ» բարձր լեռնային զորավարժարաններում մարտավարական և հատուկ զորավարժությունների ընթացքում` վերգետնյա թիրախները նկատելու, ճանաչելու և ուղեկցելու, հետախուզություն իրականացնելու նպատակով
