Մերձամարտերի ընթացքում ԼՂՀ ՊԲ երկու զինծառայող է զոհվել

© Photo : press office of the MoD of RAВоенная каска
Военная каска - Sputnik Արմենիա
Բաժանորդագրվեք
Yandex newsTelegram
Պաշտպանության նախարարությունից նշում են, որ հակառակորդի սադրիչ քայլերն անհետևանք չեն մնալու, «պատասխանը լինելու է ցավոտ և անդառնալի կորուստներով լի»։

ԵՐԵՎԱՆ, 18 դեկտեմբերի-Sputnik. Դեկտեմբերի 17-ի գիշերը հակառակորդի կողմից ձեռնարկված անհաջող դիվերսիոն հետախուզական ներթափանցման փորձերից հետո, որի արդյունքում վերջինս ծանր կորուստներ կրելով հետ էր շպրտվել, ադրբեջանական բանակի հատուկ նշանակության խմբերը` հակամարտ զորքերի շփման գծի հարավային, արևելյան, հյուսիսարևելյան և հյուսիսային ուղղություններով` դեկտեմբերի 18-ի գիշերը դիմել են հերթական դիվերսիոն գործողությունների, տեղեկացնում է ԼՂՀ ՊՆ մամուլի ծառայությունը:

Հաղորդագրության համաձայն` վերոնշյալ բոլոր ուղղություններում հայ դիրքապահները ժամանակին հավաստանշել են հակառակորդի հատուկջոկատայինների առաջխաղացումը և անցել պաշտպանական մարտերի: Ադրբեջանական գրոհայինները կորուստներ տալով հետ են շպրտվել իրենց ելման դիրքերը:

«Ցավոք, ծավալված մերձամարտերի ընթացքում արիաբար մարտիրոսվել են ՊԲ զինծառայողներ Աղասի Արսենի Գրիգորյանը (ծնվ. 1996թ.) և Ռուբեն Ռոբերտի Ալեքսանյանը (ծնվ. 1996թ.)։ ԼՂՀ պաշտպանության նախարարությունը կիսում է կորստյան ծանր վիշտը և իր զորակացությունը հայտնում զոհված զինծառայողների ընտանիքների անդամներին, հարազատներին և ծառայակիցներին»,–  նշվում է ԼՂՀ ՊՆ մամուլի ծառայության տարածած հաղորդագրությունում:

Պաշտպանության նախարարությունից նշում են, որ հակառակորդի սադրիչ քայլերն անհետևանք չեն մնալու, «պատասխանը լինելու է ցավոտ և անդառնալի կորուստներով լի»։

Լրահոս
0