Չուրկին. Թուրքական ընկերությունները կհայտնվեն ՄԱԿ–ի պատժամիջոցների տակ

© UNПостоянный представитель России при ООН Виталий Чуркин
Постоянный представитель России при ООН Виталий Чуркин - Sputnik Արմենիա
Բաժանորդագրվեք
Yandex newsTelegram
ՄԱԿ–ում Ռուսաստանի մշտական ներկայացուցիչը հրապարակել է թուրքական ընկերությունների ցուցակը, որոնք ավտոցիստեռներ են մատակարարում ծայրահեղականներին և հայտնել, որ Անկարան միջոցներ չի ձեռնարկում ահաբեկիչներին ֆինանսավորելու հետ պայքարի համար

ԵՐԵՎԱՆ, 18 դեկտեմբերի – Sputnik. ԻՊ ահաբեկիչներին նավթի մատակարարման հետ կապված Թուրքական ընկերությունները գուցե կենթարկվեն պատժամիջոցների ՄԱԿ–ի կողմից, հայտնել է ՄԱԿ–ում Ռուսաստանի մշտական ներկայացուցիչ Վիտալի Չուրկինը։

ՄԱԿ–ի ԱԽ–ն դեկտեմբերի 17-ի նիստում ընդունել է բանաձև, որը պարտադրում է պետություններին պայքարել ահաբեկիչներին ֆինանսավորող աղբյուրների հետ, մասնավորապես` սառեցնել ակտիվները, արգելել մուտքն ու տրանզիտը, դադարեցնել ուղիղ և կողմնակի զինամթերքի մատակարարումները անհատներին ու կազմակերպություններին, որոնք ներառվելու են ԱԽ–ի պատժամիջոցների ցուցակում։

Ելույթ ունենալով նիստին` Չուրկինը հայտնել է, որ նավթամթերքի ամենամեծ ծավալներն իրացվում են Թուրքիայի միջով։ Նա նշել է մի շարք ընկերություններ, որոնք ավտոցիստեռներ են մատակարարում ԻԼԻՊ–ի ահաբեկիչներին, ինչպես նաև այն, որ ԻԼԻՊ–ից գնված նավթն առաքվում է Թուրքիա Բաթման քաղաքում «Թյուրքիե փեթրոլ ռաֆիների Ա.Շ» ընկերության նավթամշակվող գործարան։


«Սակայն ածխաջրածնի հիմնական հոսքը դուրս է բերվելու Միջերկրական ծովի ափին գտնվող թուրքական նավահանգիստների միջոցով, առաջին հերթին` Ջեյհան նավահանգստով», – ընդգծել է ռուս դիվանագետը։

 

Հանդիպման արդյունքում Չուրկինը լրագրողներին պարզաբանել է. եթե պարզվի, որ «երկիրը չի ընդունում համապատասխան արդյունավետ միջոցներ ահաբեկչության դեմ պայքարելու համար», ապա պատժամիջոցներ կիրառելու հարց կդրվի։

«Պատժամիջոցների կիրառման համապատասխան մեխանիզմ գոյություն ունի, որի տակ կարող են մտնել ինչպես Թուրքիայի ֆիզիկական անձինք, այնպես էլ իրավաբանական։ Ես նշել եմ որոշ ձեռնարկություններ, որոնք զբաղվում են ԻԼԻՊ–ից ձեռք բերած նավթի մշակմամբ», – ասել է Չուրկինը։

Լրահոս
0