F-16-ի հարվածը եղել է Սու-24–ի պոչին, որտեղ եղել է ինքնագրիչը

© Sputnik / Дмитрий Виноградов / Անցնել ֆոտոբանկРоссийские самолеты в аэропорту Латакии
Российские самолеты в аэропорту Латакии - Sputnik Արմենիա
Բաժանորդագրվեք
Yandex newsTelegram
Սու-24Մ–ի պոչի հատվածին, բացի երկրի հետ բախվելուց, հարված է հասցրել նաև F-16 թուրքական հրթիռը, նշել է ՌԴ ԶՈՒ ավիացիոն թռիչքների անվտանգության ծառայության տեղեկատվա–վերլուծական բաժնի պետ, գնդապետ Անդրեյ Սեմյոնովը։

ԵՐԵՎԱՆ, 18 դեկտեմբերի – Sputnik. Սիրիայում կործանված Սու-24-ի հենց պոչային հատվածին, որտեղ գտնվել է սև արկղը, հարված է հասցրել թուրքական F-16 կործանիչը, հայտնում է ՌԻԱ Նովոստին` հղում անելով ՌԴ ԶՈՒ ավիացիոն թռիչքների անվտանգության ծառայության տեղեկատվա–վերլուծական բաժնի պետ, գնդապետ Անդրեյ Սեմյոնովին։


«Օդանավի ինքնագրիչը հիմնականում տեղակայված է լինում պոչային հատվածում։ Այդ իսկ պատճառով Սու-24Մ պոչային հատվածի վրա, բացի հարվածի ուժից, ազդել է հրթիռի հասցրած հարվածը», – ասել է Սեմյոնովը ՊՆ–ում` խոցված Սու-24 ինքնագրիչների վերծանմանը նվիրված ճեպազրույցի ժամանակ։


Սիրիայի տարածքում ռուսական Սու-24-ը խոցվել էր թուրքական F-16 կործանիչի կողմից և ընկել Թուրքիայի սահմանից չորս կմ հեռավորության վրա։ Ռուսաստանի նախագահ Վլադիմիր Պուտինն այս դեպքը «թիկունքից հասցված հարված» էր որակել։ Անկարան պնդում է, որ Սու-24-ը խախտել է իր օդային տարածքը։ ՌԴ գլխավոր շտաբը հայտնել էր, որ ինքնաթիռը սահմանը չի խախտել, ինչի մասին վկայում են սիրիական ՀՕՊ–ի տվյալները։

Լրահոս
0