ԵՐԵՎԱՆ, 18 դեկտեմբերի — Sputnik. Դատարանը որոշեց Ավետիսյանների գործով դատավարությունը հետաձգել մինչև հունվարի 18-ը, 12։00-ն `հիմք ընդունելով հանրային պաշտպան Էդուարդ Աղաջանյանի` գործին ծանոթանալու մասին միջնորդությունը։
Գյումրիում, որտեղ տեղակայված է 102-րդ ռուսական ռազմական բազան, հունվարի 12-ին սպանվել էր մի ամբողջ ընտանիք, մեկուկես տարեկան երեխան մահացել էր մեկ շաբաթ անց։ Հանցագործության կասկածանքով նույն օրը ձերբակալվել էր ռուս պայմանագրային զինծառայող Վալերի Պերմյակովը: Նա փորձել էր անցնել Թուրքիայի տարածք, և ռուս սահմանապահները նրան հայտնաբերել էին հենց սահմանին:
