ԵՐԵՎԱՆ, 24 դեկտեմբերի– Sputnik. Դեկտեմբերի 24-ին` ժամը 11.35-ին ոստիկանության Շենգավիթի բաժնում հաղորդում է ստացվել, որ շտապօգնության խումբը կանչով մեկնել է Երևանի Մայիսի 9-ի փողոցի թիվ 49 շենք, որտեղ հայտնաբերվել է մոտ 28 տարեկան տղամարդու մարմին՝ արնոտ վիճակում, հաղորդում է Ոստիկանությունը։
Մեկնած օպերատիվ խումբը Մայիսի 9-ի փողոցի թիվ 49 շենքի 1-ին հարկում գործող բուքմեյքերական գրասենյակում հայտնաբերել է 1987 թ. ծնված Արթուր Նազարյանի դիակը՝ մարմնի տարբեր մասերում կտրած-ծակած վնասվածքներով:
Նշանակվել է դատաբժշկական փորձաքննություն: Կատարվում է քննություն:
