ԵՐԵՎԱՆ, 28 դեկտեմբերի- Sputnik. Հայաստանի հավաքականի և Դորտմունդի «Բորուսիայի» կիսապաշտպան Հենրիխ Մխիթարյանը զբաղեցրել է 17-րդ տեղը Sky Sports-ի կազմած 100 լավագույն ֆուտբոլիստների վարկանիշում, որոնք հանդես են գալիս եվրոպական առաջնությունների լավագույն հնգյակում։
«Նա աշխարհի ամենատաղանդավոր խաղացողներից է»,- Մխիթարյանի մասին ասում է անգլիական «Լիվերպուլ» ակումբի գլխավոր մարզիչ Յուրգեն Կլոպը։
Վարկանիշը հիմնված է գնահատականների վրա, որոնք ֆուտբոլիստները ստանում են յուրաքանչյուր խաղից հետո whoscored.com հեղինակային պորտալի կողմից։ Վարկանիշում հայտնվելու համար ֆուտբոլիստը պետք է առաջնությունում անցկացնի առնվազն 20 խաղ։
Վարկանիշը գլխավորում է «Բարսելոնայի» հարձակվող Լիոնել Մեսսին։ Հարյուրյակը եզրափակում է Խորվաթիայի հավաքականի և իտալական «Ֆիորենտինայի» կիսապաշտպան Միլան Բադելը։
