ԵՐԵՎԱՆ, 3 հունվարի — Sputnik. Չինաստանի հյուսիս-արևելքում գտնվող Հարբին քաղաքում բացվել է աշխարհի ամենաբարձր ձյունե ամրոցը, հայտնում է Sputnik Mundo-ն։
Ամրոցի հանդիսավոր բացումը տեղի է ունեցել հինգշաբթի: 51 մետր բարձրությամբ ամրոցը բարոկկո և գոթական ոճերի միաձուլում է։ Այս համարձակ կառույցի համար, որ գրավում է 2800 քառակուսի մետր տարածք, օգտագործվել է 35000 խորանարդ մետր ձյուն, նշում է լրատվամիջոցը։
