ԵՐԵՎԱՆ, 8 հունվարի- Sputnik. «Ալ Քայիդա» ահաբեկչական կազմակերպությունը հինգշաբթի տեսանյութ է տարածել, որում սպառնում է ահաբեկչական գործողություններ իրականացնել Նեապոլում, Հռոմում և Մադրիդում, հաղորդում է Europa Press գործակալությունը։
Գործակալության տվյալներով` տեսանյութում երևում են ահաբեկչական գործողություններ, ինչպես նաև կադրեր Մալիում խմբավորման անդամների մասնակցությամբ, այդ թվում` Իսպանիայի Աբու ալ Նուր ալ Անդալուսի անունով քաղաքացու։
Իսպանիայի անվտանգության ուժերն ուսումնասիրում են այդ տեսանյութը։
Վերջին մի քանի տարիների ընթացքում Իսպանիայի շուրջ 130 քաղաքացիներ մեկնել են Աֆրիկայի և Ասիայի երկրներ, որպեսզի միանան արմատական իսլամիստներին։ 2015թ.-ին Իսպանիայում ահաբեկիչների հետ կապերի կասկածանքով ձերբակակալվել է ավելի քան 100 մարդ, վերջին չորս տարվա ընթացքում` 175։
