ԵՐԵՎԱՆ, 14 հունվարի — Sputnik. Ինդոնեզիայում ՀՀ դեսպանության տվյալներով Ջակարտայում տեղի ունեցած ահաբեկչությունների հետևանքով տուժածների թվում հայեր չկան, այս մասին տեղեկացնում է ՀՀ արտգործնախարարության մամուլի ծառայությունը։
Հիշեցնենք, որ Ինդոնեզիայի մայրաքաղաք Ջակարտայի կենտրոնում այսօր մի քանի պայթյուն է տեղի ունեցել: Պայթյուններն իրականացրել են գրոհայինները, նրանց թվում մահապարտ-ահաբեկիչներ են եղել:
Նախնական տվյալով` քաղաքում վեց պայթյուն է որոտացել, մեկը`առևտրի կենտրոնի մոտ, որտեղ հյուրանոց, դեսպանատուն և գրասենյակներ կան: Պայթյուններից հետո քաղաքում նաև հրազենային կրակոցներ են հնչել:
