ԵՐԵՎԱՆ, 20 հունվարի-Sputnik. Սուր վարակիչ հիվանդություններով հոսպիտալացված 1230 հիվանդներից բուժհիմնարկներում բուժումը շարունակում է 972-ը: Տվյալները հաղորդել է Հայաստանի առողջապահության նախարար Արմեն Մուրադյանը: Շատ քաղաքացիներ էլ բուժումը ստանում են պոլիկլինիկական ցանցում:
«Մենք որոշակի բարելավումը համարում ենք օրինաչափություն: Իսկ սուր շնչառական հիվանդությունների կանխարգելիչ միջոցառումներից է անձնական կուլտուրա դրսևորելն ու սերտ շփումների չանցնելը հիվանդի հետ: Այդ թվում կարևոր է նաև վաղ դիմելիությունը»,-ասել է Արմեն Մուրադյանը:
Նախարարն անդրադարձել է նաև դպրոցական արձակուրդների երկարաձգման հարցին:
«Այդ հարցը մշտադիտարկվում է: Մինչև ուրբաթ օրը կնայենք մեր ընդհանուր ցուցանիշները և անհրաժեշտության դեպքում հանդես կգանք առաջարկով»,-ասել է առողջապահության նախարարը:
Արմեն Մուրադյանը պատասխանել է նաև առողջապահության այլ ոլորտներին վերաբերող հարցերի: Նա մասնավորապես տեղեկացրել է, որ Հայաստան են ներկրվել հակաքաղցկեղային դեղեր, որոնք արդեն բաժանվել են համապատասխան բուժհաստատություններին, որոնք էլ կկատարեն հետագա վերաբաշխումը:
