ԵՐԵՎԱՆ, 20 հունվարի — Sputnik. «Իսլամական պետություն» ահաբեկչական խմբավորման գրոհայիններն ավերել են Իրաքի տարածքում գտնվող հնագույն քրիստոնեական վանքը, հայտնում է Ասոշիեյթեդ Փրես գործակալությունը՝ հղում անելով արբանյակից արված լուսանկարներին:
Արբանյակներից արված պատկերների վրա երևում է, որ վանքն ավերվել է ամբողջությամբ:
«Իսլամական պետություն» ահաբեկչական խմբավորումն այսօր համաշխարհային անվտանգության գլխավոր սպառնալիքներից մեկն է: ԱՄՆ-ն գլխավորում է 65 երկրներից բաղկացած կոալիցիան, որոնք Իրաքում և Սիրիայում մասնակցում են «Իսլամական պետության» ռմբակոծություններին: Ընդ որում Սիրիայում կոալիցիան գործում է առանց տեղական իշխանության թույլտվության: Ավիահարվածների շուրջ 90 տոկոսն իրականացնում է ԱՄՆ ՌՕՈՒ-ն: