ԵՐԵՎԱՆ, 22 հունվարի- Sputnik. Հայաստանում Ռուսաստանի արտակարգ և լիազոր դեսպան Իվան Վոլինկինը Ռուսաստանի ԱԳՆ-ի ղեկավար Սերգեյ Լավրովի անունից «Հայրենական ապրանք արտադրողների» միության նախագահ Վազգեն Սաֆարյանին պարգևատրեց Ռուսաստանի ԱԳՆ-ի պատվո նշանով:
Պարգևատրման հանդիսավոր արարողության ժամանակ Վոլինկինն ընդգծեց, որ այդ բարձր պարգևը հանձնվում է այն մարդկանց, որոնք հատուկ ավանդ են ունեցել երկկողմ հարաբերությունների զարգացման մեջ, աջակցել են Ռուսաստանի հետ բարեկամական կապերի և խաղաղության ամրապնդմանը:
«Միջազգային ապրանք արտադրողների միության, միջխորհրդարանական հանձնաժողովի շրջանակում հետևողական և բազմամյա աշխատանքը՝ ուղղված Ռուսաստանի և Հայաստանի միջև սերտ տնտեսական կապերի զարգացմանը, ԵՏՄ-ին անդամակցելու հարցում երկրի սկզբունքային դիրքորոշումն, անշուշտ, ազդել են այդ պատվո նշանով պարգևատրելու մասին որոշման վրա»,- ասաց Վոլինկինը:
Նա նշեց, որ Սաֆարյանին գիտեն ոչ միայն Հայաստանում, այլ նաև Ռուսաստանում՝ որպես ՌԴ մեծ բարեկամի, ով հսկայական ավանդ է ունենում երկկողմ հարաբերությունների զարգացման մեջ: Վոլինկինն ընթերցեց նաև Սաֆարյանի շնորհավորանքը Հայաստանի ազգային հերոս Նիկոլայ Ռիժկովի և արդյունաբերության հարցերով Պետդումայի նախագահի առաջին տեղակալ Վլադիմիր Գուտենևի անունից:
Հայ տնտեսագետը նշեց, որ դա իր կյանքում առաջին այդքան բարձր պարգևն է:
«Դա կրկնակի պարտավորեցնում է ինձ ավելի շատ ու խորն աշխատել համատեղ համագործակցության ուղղությամբ: Չնայած ճգնաժամին՝ Ռուսաստանը շարունակում է մնալ մեր ռազմավարական գործընկերները, և մեր համատեղ ջանքերն արդյունաբերության ոլորտում թույլ կտան զարգացնել մեր տնտեսությունները»,- ասաց Սաֆարյանը:
