ԵՐԵՎԱՆ, 3 փետրվարի — Sputnik. Մարդու իրավունքների պաշտպանի թեկնածությունները ԱԺ պետաիրավական հանձնաժողովին պետք է ներկայացվեն մինչև փետրվարի 9-ը, Հայաստանի ԱԺ ժողովի նիստի ժամանակ հայտնեց խոսնակ Գալուստ Սահակյանը:
Նրա խոսքով` խորհրդարանը նախօրեին ընդունել է մարդու իրավունքների պաշտպանի թեկնածուների առաջադրման կարգը, որտեղ ամրագրված է, որ մինչև փետրվարի 9-ը ԱԺ պետաիրավական հարցերի մշտական հանձնաժողովի անդամները պետք է հանձնաժողով ներկայացնեն թեկնածությունները:
ՄԻՊ պաշտոնին, ըստ նախնական հայտարարությունների, հավակնում է մի քանի թեկնածու:
ԲՀԿ խմբակցության ղեկավար Նաիրա Զոհրաբյանն առաջարկում է իրավապաշտպան Վարդան Հարությունյանի կամ Ավետիք Իշխանյանի, իսկ անկախ պատգամավոր Էդմոն Մարուքյանը` Զարուհի Փոստանջյանի թեկնածությունը:
