ԵՐԵՎԱՆ, 12 փետրվարի — Sputnik. Իվանովոյի բնակիչը` Հայաստանի 30-ամյա քաղաքացին, դատարանի առջև է կանգնել առևտրային կետերի վրա կատարած մի շարք հարձակումների համար, հաղորդում է ivday-ը։
Տղամարդը վաճառողներին վախեցրել է ատրճանակի տեսք ունեցող կրակվառիչով։
Անցյալ տարի սեպտեմբերի 19-ին հանցագործը մտել է Երմակի փողոցում գտնվող կենցաղային քիմիայի խանութ և վաճառողուհու վրա պահելով կրակվառիչ-ատրճանակը` պահանջել է դրամարկղի ողջ գումարը։ Կինը վախեցել է` կարծելով, որ նրա ձեռքում իսկական ատրճանակ է, և նրան է տվել ողջ գումարը` 2 հազար ռուբլի։
Սեպտեմբերի 22-ին նա որոշել է թալանել Տաշքենդի փողոցում գտնվող խանութը, սակայն վաճառողը դիմադրություն է ցուցաբերել` չվախենալով ատրճանակից։
Դատարանը նրան մեղավոր է ճանաչել ավազակային հարձակումներ կատարելու մեջ։ Դատավճիռը, որը դեռ ուժի մեջ չի մտել, չորս տարվա ազատազրկում է։
