Գողեգող քանդում են մեր քաղաքը. մարտի են դուրս եկել մտավորականները

© Sputnik / Асатур Есаянц Пресс-конференция на тему "Сохраним наши культурно-исторические памятники"
Пресс-конференция на тему Сохраним наши культурно-исторические памятники - Sputnik Արմենիա
Բաժանորդագրվեք
НовостиTelegram
Քանդում են պատմամշակութային արժեք ունեցող կառույցները։ Այդկերպ ամոթ է աշխարհին ներկայանալ որպես հազարամյակների պատմություն ունեցող երկիր։ Sputnik Արմենիա միջազգային մամուլի ակումբում հայ մտավորականները ներկայացրել են, որ մինչև վերջ պայքարելու են Երևանի դիմագծի պահպանման համար։

ԵՐԵՎԱՆ, 12 փետրվարի-Sputnik. Գոհար Սարգսյան. Երևանը նեղացած է քաղաքացիներից։ Հայ մտավորականները համարում են, որ իրենք էլ մեղքի բաժին ունեն, քանի որ ուշ են բարձրաձայնել արդիական խնդիրը։ Հին ու արժեքավոր շենքերը քանդողները սովորություն են դարձրել հատկապես գիշերը գործի դնել բուլդոզերները, որ իրենց «սև» գործը խանգարողներ չլինեն։ Sputnik Արմենիայի թղթակիցը ներկայացնում է անարդարությանն ընդդիմացող արվեստագետների քննադատություններն ու հարազատ քաղաքին ուղղված սիրո խոստովանությունները։

Տիգրան Հեքեքյան
«Հայաստանի փոքրիկ երգիչներ» երգչախմբի դիրիժոր և գեղարվեստական ղեկավար

© Sputnik / Асатур ЕсаянцՏիգրան Հեքեքյան
Тигран Экекян - Sputnik Արմենիա
Տիգրան Հեքեքյան

Ես մեղավոր եմ, որ իմ արվեստով եմ զբաղվել ու այնպես չեմ արել, որ սերունդն ունենա ավելի ջերմ քաղաք։ Ապրել բետոնե քաղաքում և անվանել, որ սա գեղեցիկ քաղաք է, նշանակում է այդ մարդիկ խիղճ ու ամոթ չունեն։ Թող ճչացող ավանգարդ շենքեր լինեն, բայց դրանց կողքին պահպանվեն նաև հները։ Երբ վերևից, կողքից ու տակից նայում ես քաղաքիդ, ամաչում ես, որ քարակույտում ես ապրում։ Ասում ենք` պետության գերակա շահ։ Ինչքա՞ն կարելի է դա շահարկել անձնական գրպանը լցնելու համար։

Հրանտ Վարդանյան
Ռեժիսոր

© Sputnik / Асатур ЕсаянцՀրանտ Վարդանյան
Грант Варданян - Sputnik Արմենիա
Հրանտ Վարդանյան

Երևանը նեղացել է երևանցիներից։ Գողեգող գալիս են ու քանդում Երևանը։ Վախենում եմ, որ մի օր կարող եմ արթնանալ և Պուշկինն ու Աբովյանը քանդված տեսնել։ 21-րդ դարում կառուցված ճարտարապետական կառույց չունենք, որով հպարտանանք։ Ո՞ւր են մեր ճարտարապետները։ Նրանք պետք է ոչ թե մատիտը ձեռքին նկարող լինեն, այլ` «ողնաշարով» տղաներ։

Միքայել Պողոսյան
Դերասան, սցենարիստ, ռեժիսոր, երգիչ

© Sputnik / Асатур ЕсаянцՄիքայել Պողոսյան
Микаэл Погосян - Sputnik Արմենիա
Միքայել Պողոսյան

Եկել ենք սեր խոստովանենք մեր քաղաքին։ Մեր քաղաքը միշտ եղել է կենդանի օրգանիզմ, կենդանի շունչ, որը կարոտում է, նեղանում, հիասթափվում։ Այդ քաղաքի դիմանկարը մենք ենք։ Այսօր Երևանը թիկունքի կարիք ունի։ Մեր քաղաքի դիմանկարն աղավաղված է։ Ես հասկանում եմ, որ Երևանը պետք է փոփոխվի, բայց ինչի՞ հաշվին։ Քաղաքաշինության փոխարեն շենքաշինություն է։ Մեր շարժումը հաղթական ավարտ կունենա։ Այդ կարգախոսով ենք եկել։

Մարկ Գրիգորյան
Լրագրող

© Sputnik / Asatur YesayantsՄարկ Գրիգորյան
Марк Григорян - Sputnik Արմենիա
Մարկ Գրիգորյան

Ինչպե՞ս է ստացվում, որ, հպարտանալով հայ ժողովրդի հազարամյակների պատմությամբ, ոչնչացնում ենք պատմության վկաներին։ Զարմանալի ձևով մենք մեզ զրկում ենք անցյալից և ապագայից։ Ինձ շատ անգամ ասում են` այս շենքը սիրուն չէ, պետք է քանդել։ Ասեմ, որ սիրունը չափանիշ չէ, գեղեցիկն է չափանիշ։

Հրանտ Թոխատյան
Դերասան, մշակութային գործիչ

© Sputnik / Асатур ЕсаянцՀրանտ Թոխատյան
Грант Тохатян - Sputnik Արմենիա
Հրանտ Թոխատյան

Վերցնենք Հյուսիսային պողոտան։ Գուցե դա ասօրվա երիտասարդների համար հաճելի վայր է, բայց ինձ մի կարևոր բան է պակասում։ Ոչ թե այն «ճենջն» եմ ուզում հիշել, այն խարխուլ շենքերը, որոնք ամբողջովին առնետանոց էին։ Պարզապես ամեն ինչը պետք է անել շնորհքով ու կարգին։ Ժամանակին Թամանյանը եկավ ու վայելք տվեց իմ քաղաքին։ Եկեք այդ դեմքն անիմաստ չշպարենք։ Բնականն ավելի գեղեցիկ է։ Վարդագույն Երևանը կորել է։ Ինչ այլանդակ գույն ասես կա։

Զարուհի Մուրադյան
«Սարգիս Մուրադյան» պատկերասրահի հիմնադիր

© Sputnik / Асатур ЕсаянцԶարուհի Մուրադյան
Заруи Мурадян - Sputnik Արմենիա
Զարուհի Մուրադյան

Երբ գնում ենք եվրոպական քաղաք, վերցնում ենք քարտեզն ու գտնում «Old town»: Համոզված եմ, որ զբոսաշրջիկները Փարիզի հին թաղամասերն են առաջինն այցելում։ Առաջարկում եմ նամակ մշակել, որտեղ լինի առաջարկ 10 տարով դադարեցնել Երևանի դեմ կատարվող բարբարոսությունները։

Զավեն Սարգսյան
Սերգեյ Փարաջանովի արվեստի թանգարանի տնօրեն

© Sputnik / Asatur YesayantsԶավեն Սարգսյան
Завен Саркисян - Sputnik Արմենիա
Զավեն Սարգսյան

Ինձ ասում են` ինչու՞ չես գնում արտասահման։ Պատասխանում եմ, որ հիշողություններ ունեմ քաղաքի հետ կապված։ Բայց եթե Երևանի դեմքը կորի, արժեքն էլ կկորցնի։

Արամո
Երգիչ

© Sputnik / Асатур Есаянц / Արամո
Арамо - Sputnik Արմենիա
Արամո

Ուզում եմ խոսել Պուշկինի անկյունում գտնվող Հրշեջների շենքի մասին։ Դրա ինժեներներից մեկն իմ ապուպապն է։ Դա քանդելու փոխարեն կարելի է մշակութային օջախ ստեղծել։ Ես այդքան գումար չունեմ։ Եթե ունենայի, կգնեի շենքն ու մի գեղեցիկ վայր կստեղծեի։

Արթուր Իսպիրյան
Երգիչ

© Sputnik / Асатур Есаянц / Արթուր Իսպիրյան
Артур Испирян - Sputnik Արմենիա
Արթուր Իսպիրյան

Նրանց տակտիկան է։ Թողնում են, որ շենքը դառնա վթարային, հետո քանդում են ու կառուցում ցանկացածը։ Մենք շատ-շատ ենք։ Թող որևէ մեկը չքանդի այդ շենքերն ու չդիպչի մեր պատմությանը։

Լիլիթ Պիպոյան

Երգչուհի, երգահան, ճարտարապետ

© Sputnik / Асатур ЕсаянцԼիլիթ Պիպոյան
Լիլիթ Պիպոյան - Sputnik Արմենիա
Լիլիթ Պիպոյան

Եթե պետք լինի, կպառկեմ Հրշեջների շենքի մոտ ու թույլ չեմ տա, որ քանդեն։ Դա կառուցել է Նիկողայոս Բունիաթյանը`մեր քաղաքի առաջին գլխավոր ճարտարապետը։ Վերջապես հարգանք պետք է ունենալ, թե չէ մեր մեծերի հանդեպ։ Եվ վերջապես ով է որոշում` դա լավն է, թե վատը։

Դավիթ Մաթևոսյան
«Հրանտ Մաթևոսյան» մշակութային- բարեգործական հիմնադրամի տնօրեն

© Sputnik / Асатур ЕсаянцԴավիթ Մաթևոսյան
Давид Матевосян - Sputnik Արմենիա
Դավիթ Մաթևոսյան

Մեր քաղաքը մոտավորապես 2800 տարեկան է։ Թող ինձ ցույց տան պատմական որևէ շենք, որ վկայում է 2800 տարեկանի մասին։ «Էրեբունի» ամրոցը խնդրում եմ աչքս չմտցնել։ Սա սխալ ռեկոնստրուկցիայի արդյունք է, որը վկայում են ֆրանսիացի ու բրիտանացի մասնագետները։ Մենք շարունակում ենք աշխարհին ներկայանալ որպես հին քաղաք։ Ո՞րն է մեր ապացույցը։

Արվեստագետների ընտրած պայքարի ուղիները տարբեր են, բայց բոլորն էլ միտված են փրկելու հին ու նոր Երևանը։ Մամուլի ասուլիսից հետո նրանք ուղղվեցին խոստումները գործի վերածելու` պայմանով, որ դեռ կխոսեն արած-չարածների մասին։

 

 

Լրահոս
0