ԵՐԵՎԱՆ, 15 փետրվարի — Sputnik. Հայաստանի ֆուտբոլի հավաքականի կիսապաշտպան և Դորտմունդի «Բորուսիայի» 27-ամյա ֆուտբոլիստ Հենրիխ Մխիթարյանի տեղափոխման արժեքը tranfermarket.de պորտալը 28 միլիոն եվրո է գնահատել
Այս թիվը ռեկորդային է Մխիթարյանի համար։ Նա հետխորհրդային տարածքի ֆուտբոլիստներից շարքում երկրորդ «թանկարժեք» ֆուտբոլիստն է Անդրեյ Շևչենկոյից հետո և «ամենաթանկարժեքը»` Դորտմունդի «Բորուսիայի» ֆուտբոլիստների շարքում։
Դոնեցկի «Շախտյորից» «Բորուսիա» տեղափոխվելու արժեքը 2013 թվականին 27.5 միլիոն էր կազմել։
Այս խաղաշրջանում հայ ֆուտբոլիստը մասնակցել է 33 խաղի, որոնց ընթացքում 18 գոլի և 17 գոլային փոխանցման հեղինակ է դարձել։
