ԵՐԵՎԱՆ, 17 փետրվարի — Sputnik. Գիտնականները սաթի մեջ պահպանված անհայտ հնագույն բույսի ծաղիկ են հայտնաբերել, որը երկրի երեսից անհետացել է միլիոնավոր տարիներ առաջ, գրում է The Village-ը։
Օրեգոնի ու Ռատգերի համալսարանների գիտնականները եկել են այն եզրակացության, որ իրենց հայտնաբերած ծաղիկը գրեթե անթերի վիճակում պահպանվել է սաթի մեջ 15-30 մլն տարի։
Օրեգոնի համալսարանի միջատաբան Ջորջ Պոյնարը հայտնաբերված ծաղիկը ցույց է տվել Ռատգերի համալսարանի բուսաբանության պրոֆեսոր Լենա Սթրուվեին։ Սթրուվեն այն եզրակացությանն է հանգել, որ ծաղիկը պատկանում է Strychnos տեսակին, աստերիդ ենթադասին (դրա մեջ մտնում են շուրջ 80 հազար բույսեր, որոնց թվում են մասնավորապես կարտոֆիլը, պետունիաներն ու սուրճը), և ծաղիկն անվանել է Strychnos electri։
Strychnos տեսակին հիմնականում պատկանում են թունավոր բույսերը, գիտնականները կարծում են, որ Strychnos electri-ն հավանաբար նույնպես թունավոր բույս է։
