ԵՐԵՎԱՆ, 17 փետրվարի — Sputnik. «Նուբարաշեն» ՔԿՀ-ում գտնվող Աղասի Մարտիրոսյանն իրեն առաջադրված մեղադրանքը չի ընդունում և այդ պատճառով է հացադուլ հայտարարել, նա հրաժարվում է ցուցմունք տալ:
Աղասի Մարտիրոսյանի կալանքը երկարաձգվել է փետրվարի 5-ին: Նա բողոքարկել է դատարանի որոշումը:
Ազգային անվտանգության ծառայությունը 2015թ.-ի նոյեմբերի 25-ին Երևանում վնասազերծել էր ծանր հանցագործություն կազմակերպելու մեջ կասկածվող խմբի: Նոյեմբերի 25-ին տան խուզարկության ընթացքում հայտնաբերվել էին տարբեր տեսակի ինքնաձիգեր, ատրճանակներ, նռնականետեր (այդ թվում «մուխա» տեսակի), նռնակներ, պայթուցիկ նյութեր և պայթուցիկ սարքեր, կապի միջոցներ, փամփուշտներ, փամփշտակալներ, ռազմական հանդերձանք, այդ թվում` զրահաբաճկոններ: Խուզարկության պահին առանձնատանը եղել էին հանցավոր խմբի 9 անդամները` Արթուր Վարդանյանի գլխավորությամբ։ Նրանք ձերբակալվել էին, ապա կալանավորվել:
