ԵՐԵՎԱՆ, 23 փետրվարի- Sputnik. Մերձմոսկովյան Դուբնայի միջուկային ռեակցիաների լաբորատորիայի գիտական ղեկավար Յուրի Հովհաննիսյանը նոր քիմիական տարրեր է բացահայտել և գտել, թե ինչպես երկարացնել դրանց կյանքը, հաղորդում է НТВ-ն։
Ռուս գիտնականների հայտնագործությունը կնպաստի, որպեսզի հաջորդ տարրերը ոչ թե ավելի ու ավելի քիչ ապրեն` միլիվայրկյաններ, այլ հակառակը` ավելի երկար, և դա հեղափոխություն է։ Ռուս գիտնականներին հաջողվել է ստանալ 113, 115, 117 և 118 տարրերը, այստեղ սկսվում է Մենդելեևի համակարգում կայունության «կղզյակը», որտեղ ծանր տարրերը հանկարծ դադարում են անհետանալ ծագելուց անմիջապես հետո։
«Միլիվայրկյաններում կամ նույնիսկ միկրովայրկյաններում։ Իսկ այն, ինչ մենք հիմա ունենք, կրկին վայրկյաններ են, իսկ դրանց «դուստրերն» ապրում են ժամեր, իսկ «ծոռները»` օրեր։ Իսկ եթե մենք ավելի առաջ գնանք, մենք նոր ենք սկսել վերելքը դեպի սարի գագաթը… Որքա՞ն են նրանք ապրում սարի գագաթին, հնարավոր է` հազարավոր կամ միլիոնավոր տարիներ»,- ասել է Ֆլերովի անվան Միջուկային հետազոտությունների միացյալ ինստիտուտի միջուկային ռեակցիաների լաբորատորիայի գիտական ղեկավարը։
Կրկնակի հաճելի է հայտնագործություն անել, երբ քեզ շրջապատում են ուժեղ մրցակիցներ։ ԱՄՆ-ի, Գերմանիայի, Ճապոնիայի գիտնականները փորձում են նոր քիմիական տարրեր ստեղծել, բայց հենց Դուբնայում են գտել միանգամից չորսը. այժմ դա հաստատվել է տեսական և կիրառական քիմիայի միջազգային միության կողմից։
