ԵՐԵՎԱՆ, 24 փետրվարի — Sputnik. Հայաստանի շրջանների մեծ մասում փետրվարի 24-ին սպասվում են տեղումներ, հայտնում է ՏԿԱԻ նախարարությունը: Ըստ հաղորդագրության` տեղումները կդադարեն հաջորդ օրը, և փետրվարի 25-28-ը սպասվում է առանց տեղումների եղանակ:
Քամին կլինի արևմտյան՝ 2-7 մ/վրկ արագությամբ:
Օդի ջերմաստիճանը 24-ի ցերեկը կնվազի 4-5 աստիճանով, 25-ի ցերեկը նույնքան կբարձրանա, այնուհետև էապես չի փոխվի:
Երևանում փետրվարի 24-ին սպասվում է անձրև, 25-28-ը` առանց տեղումների եղանակ: Այսօր ցերեկը մայրաքաղաքում կլինի 9-11, գիշերը` 7-9 աստիճան տաքություն։