Ձերբակալման պահին Պերմյակովը վախեցած էր, բայց հավասարակշռված

© Sputnik / Asatur YesayantsЗаседание по делу об убийстве семьи Аветисян российским военнослужащим Валерием Пермяковым
Заседание по делу об убийстве семьи Аветисян российским военнослужащим Валерием Пермяковым - Sputnik Արմենիա
Բաժանորդագրվեք
Yandex newsTelegram
Փետրվարի 26-ին կայացած դատական նիստի ժամանակ Գյումրիում տեղակայված սահմանապահ ջոկատի հրամանատարի տեղակալ Ալեքսանդր Կռուգլովը ներկայացրեց Պերմյակովի հայտնաբերման ու ձերբակալման մանրամասները

ԵՐԵՎԱՆ, 26 փետրվարի-Sputnik. Ալեքսանդր Կռուգլովը նշեց, որ ձերբակալման պահին Պերմյակովը վախեցած էր, բայց իրեն հավասարակշռված էր պահում:

Ըստ Կռուգլովի` Պերմյակովի հայտնաբերման, ձերբակալման, ապա` ինքնությունը ճանաչելու նպատակով սահմանապահ ջոկատ տեղափոխելու որոշումը կայացրել է այդ պահին ջոկատի հրամանատարի պաշտոնակատար Սերգեյ Մերզլիկինը, ով այժմ նույն ջոկատի հրամանատարի տեղակալն է:

«Երբ ես, Սերգեյ Մերզլիկինը ու մեր ջոկատի ավագ սպա Իգոր Բռագան եկանք սահմանապահ ուղեկալի մոտ, որտեղ մեր ջոկատի սպա Միխայիլ Խաչատրյանի կողմից հայտնաբերվել էր այդ զինվորը, նա պառկած էր դեմքը գետնին։ Կատարվեց զննում ու նրա գրպանից հայտնաբերվեց ռուսական ռուբլի՝ ոչ մեծ գումար, հայկական դրամ և 2 կամ 3 բջջային հեռախոս: Մեր այն հարցին, թե ինչո՞ւ ես սպանություն կատարել, ինքը պատասխանեց՝ ես ոչինչ չեմ արել, ապա հարցրեցինք, թե ուր է զենքը, ասաց՝ թաքցրել եմ»,-ասաց վկան:

Վկան շարունակեց, որ դրանից հետո Պերմյակովին նստեցրել են մեքենա և կարճ ճանապարհով տարել սահմանապահ ջոկատ, որտեղ Մերզլիկինի աշխատասենյակում Պերմյակովի անմիջական ղեկավարը և ռազմաբազայի հրամանատարն անմիջապես ճանաչել են նրան։ Դրանից հետո կատարվել է բուժզննում, ապա` ընդունման և հանձման փաստաթուղթը ստորագրելուց հետո 102-րդ ռազմաբազայի հրամանատարությունը նրան տարել է:

Суд над рядовым РФ Валерием Пермяковым - Sputnik Արմենիա
Սպանության օրը Պերմյակովը հասցրել է երկու շաուրմա ուտել
Ավետիսյանների իրավահաջորդների ներկայացուցիչների հարցին, թե արդյո՞ք ճանաչման գործողությունների ժամանակ հայ ոստիկաններ ներկա գտնվել են, վկան նշեց, որ 1 բարձրաստիճան ոստիկան է եղել, որին ինքը չի հիշում: Հարցին, թե Պերմյակովին հայ իրավապահներին հանձնելու պահանջ իրենց ներկայացվե՞լ է,

Կռուգլովի նշեց, որ ինքը չգիտի կամ էլ չի լսել նման բան:

«Ընդհանուր առմամբ` ճանաչման գործընթացի ժամանակ սենյակում մոտ 15 մարդ կար, այդ ընթացքը տևել է 18-20 րոպե»,- նշեց վկան:

Դատական հաջորդ նիստը նշանակված է մարտի 4-ին` ժամը 12:00-ին:

 

 

Լրահոս
0