ԵՐԵՎԱՆ, 10 մարտի-Sputnik. Հովհաննես Հովսեփյանն ասաց, որ ՊԵԿ-ի ու ֆինանսների նախարարության բաժանումից հետո Խաչատրյանի նշանակած կադրերի «ջարդ» անելու մտադրություն չունի։ Հարցին, թե ինչպես է Հովսեփյանը պատրաստվում պայքարել մենաշնորհի դեմ, ՊԵԿ նախագահը կարճ ու կոնկրետ պատասխանեց` մարտական։
«Դուք կտեղեկանաք այն ծրագրերի մասին, որոնք ես կյանքի կկոչեմ»,-թեման եզրափակեց Հովհաննես Հովսեփյանը։
Բարձրաստիճան պաշտոնյաների էթիկայի հանձնաժողովի կայքէջում հրապարակվել են ՊԵԿ ղեկավարի հայտարարագրերը։ Պարզվում է` նախագահականում աշխատելու տարիներին նա հասցրել է նշանակալի ունեցվածքի տեր դառնալ։ Պաշտոնյան ասաց, որ դրանց մեծ մասը նվիրատվություն է։
«Նվիրատուն իմ եղբայրն է, ով աշխատում է Ռուսաստանի Դաշնությունում»,-ասաց Հովհաննես Հովսեփյանն ու այլ հարցերի չպատասխանեց։
