ԵՐԵՎԱՆ, 10 մարտի- Sputnik. Ռուսաստանի և Հայաստանի նախագահներ Վլադիմիր Պուտինն ու Սերժ Սարգսյանը հինգշաբթի հանդիպման ընթացքում կարծիքներ են փոխանակել ղարաբաղյան հակամարտության շուրջ։ Թուրքիայի պես անկայուն երկրի հետ հարևանությունը կայունություն չի հաղորդում, լրագրողներին է ասել Ռուսաստանի նախագահի մամուլի քարտուղար Դմիտրի Պեսկովը։
Կրեմլի մամուլի ծառայությունն ավելի վաղ հաղորդել էր, որ Վլադիմիր Պուտինի և Սերժ Սարգսյանի ծրագրվող զրույցի ընթացքում նախատեսվում է քննարկել առևտրային-ներդրումային, էներգետիկ և մարդասիրական ոլորտներում երկկողմ համագործակցության առանցքային թեմաներ, ինչպես նաև` եվրասիական տարածությունում ինտեգրացիոն գործընթացների զարգացման հեռանկարները։
«Անշուշտ, նման անկայուն տարածաշրջանի հետ հարևանությունը մեր հարևաններին կայունություն չի բերում։ Բայց, իհարկե, առավել թեժ հարցերի շուրջ կարծիքների փոխանակությունն ավելի ուշ տեղի կունենա»,- ասել է Պեսկովը` պատասխանելով այն հարցին, թե որքանով է մեծացել ղարաբաղյան հակամարտության վերսկսման հավանականությունը։
