Ալեքսանյանը և Ամոյանը Եվրոպայի առաջնության արծաթե մեդալակիրներ են

© Sputnik / Владимир Баранов / Անցնել մեդիապահոցУниверсиада.11-й день. Греко-римская борьба
Универсиада.11-й день. Греко-римская борьба - Sputnik Արմենիա
Բաժանորդագրվեք
НовостиTelegram
Հունահռոմեական ոճի ըմբշամարտի Հայաստանի հավաքականի անդամներ Արթուր Ալեքսանյանը և Ռոման Ամոյանը դարձան Եվրոպայի առաջնության արծաթե մեդալակիրներ

ԵՐԵՎԱՆ, 13 մարտի — Sputnik. Լատվիայի մայրաքաղաք Ռիգայում ընթացող Եվրոպայի առաջնությունում Օլիմպիական խաղերի բրոնզե մեդալակիր, աշխարհի կրկնակի, Եվրոպայի առաջնության եռակի չեմպիոն Արթուր Ալեքսանյանը առաջնության եզրափակչում զիջեց ռուս մրցակցին:

98 կգ քաշային ըմբիշների եզրափակչում հայ ըմբիշի մրցակիցը Ռուսաստանը ներկայացնող 2013 թվականի աշխարհի չեմպիոն Նիկիտա Մելնիկովն էր: Ալեքսանյանին չհաջողվեց հաղթել մրցակցին և հայ ըմբիշը զիջեց 0:4 հաշվով:

Եվրոպայի նախկին չեմպիոն, Օլիմպիական խաղերի բրոնզե մեդալակիր Ռոման Ամոյանը դարձավ Եվրոպայի առաջնության փոխչեմպիոն:

Ռիգայում ընթացող Եվրոպայի առաջնության եզրափակչում Ամոյանը մրցում էր Ռուսաստանի ներկայացուցիչ Լոնդոնի Օլիմպիական խաղերի արծաթե մեդալակիր Մինգիյան Սեմյոնովի հետ: Ամոյանը զիջեց 0:8 հաշվով և դարձավ 2016 թվականի Եվրոպայի առաջնության արծաթե մեդալակիր:

 

Լրահոս
0