ԵՐԵՎԱՆ, 16 մարտի- Sputnik. Ռուսաստանն ու Հայաստանը դեռ չեն պայմանավորվել գազի սակագնի շուրջ, Ազգային ժողովում լրագրողներին ասաց Հայաստանի վարչապետ Հովիկ Աբրահամյանը։
«Գազի սակագնի վերաբերյալ առայժմ որոշում չի կայացվել, բայց քննարկումները շարունակվում են։ Այդ հարցը քննարկվել է Սարգսյանի և Պուտինի հանդիպման ժամանակ, այժմ դրանով զբաղվում են երկու երկրի կառավարություններն ու «Գազպրոմ Արմենիան»,- ասաց վարչապետը։ Նրա խոսքով` առաջխաղացում չկա նաև գազը ռուբլով հաշվարկելու հարցում։
Նա հայտնեց, որ ապրիլի 7-ին Հայաստան կժամանի Ռուսաստանի կառավարության ղեկավար Դմիտրի Մեդվեդևը, իսկ ապրիլի 8-ին նախատեսված է ԵՏՄ անդամ երկրների կառավարությունների ղեկավարների խորհրդի նիստը, որի ժամանակ կքննարկի նաև այդ հարցը։
Մարտի 10-ին կառավարությունը հավանություն է տվել «ՌԴ-ի և ՀՀ-ի կառավարությունների միջև 2013թ.-ի դեկտեմբերի 2-ին բնական գազի գազագոյացման մասին 2013թ.-ի դեկտեմբերի 2-ին համաձայնագրում փոփոխություններ կատարելու մասին», որի համաձայն` 1000 խմ գազի համար 165 դոլար սակագինը կպահպանվի մինչև 2016թ.-ի ապրիլի 1-ը։
Կողմերը բանակցություններ են վարում նոր համաձայնագիր կնքելու մասին։
