ԵՐԵՎԱՆ, 23 մարտի- Sputnik. ԱՄՆ նախագահ Բարաք Օբամայի և Կուբայի առաջնորդ Ռաուլ Կաստրոյի մամուլի ասուլիսի ավարտին ԱՄՆ ղեկավարը ցանկացել է մտերմաբար ձեռքը դնել Կուբայի առաջնորդի ուսին, սակայն նա թույլ չի տվել դա անել, հաղորդում է ՌԻԱ Նովոստին։ Համապատասխան տեսանյութը հրապարակվել է RT հեռուստաալիքի YouTube-աքաունթում։ Դրա փոխարեն Կաստրոն բռնել է Օբամայի ձեռքը և թափահարել այն օդում։
Բարաք Օբաման պաշտոնական այցով գտնվում է Կուբայում։ Ամերիկայի նախագահները 90 տարի չեն այցելել Հավանա։ ԱՄՆ-ի նախագահի խոսքով` այդ այցելությունը դարձել է երկու երկրների միջև սառը պատերազմի ավարտի խորհրդանիշը։
