ԵՐԵՎԱՆ, 25 մարտի- Sputnik. Հայաստանում առաջիկա օրերին սպասվում են տեղումներ և քամու ուժգնացում, հայտնում է արտակարգ իրավիճակների նախարարությունը
«Մարտի 25-ին հատկապես Շիրակի, Լոռու, Տավուշի, Գեղարքունիքի և Սյունիքի մարզերում սպասվում է քամու ուժգնացում` 25-30 մ/վրկ արագությամբ»,- նշում են օդերևութաբանները:
Հանրապետության տարածքում մարտի 25-26-ն առանձին շրջաններում օրվա երկրորդ կեսին սպասվում է կարճատև անձրև և ամպրոպ, 27-29-ը ժամանակ առ ժամանակ շրջանների զգալի մասում սպասվում են տեղումներ:
Քամին կլինի հարավ-արևմտյան` 2-7 մ/վրկ արագությամբ:
Օդի ջերմաստիճանը մարտի 25-ին կբարձրանա 3-5 աստիճանով:
Երևանում մարտի 25-26-ը օրվա երկրորդ կեսին հնարավոր է կարճատև անձրև և ամպրոպ, 27-29-ը ժամանակ առ ժամանակ սպասվում է անձրև: 25-ին հնարավոր է քամու ուժգնացում‵ 18-20 մ/վրկ արագությամբ:
Այսօր ցերեկը մայրաքաղաքում կանխատեսվում է 16-18, գիշերը` 7-9 աստիճան տաքություն։
