ԵՐԵՎԱՆ, 25 մարտի — Sputnik. Մարտի 23-ին Տանզանիայի «Կիլիմանջարո» միջազգային օդանավակայնում երկու եղբոր են ձերբակալել, որոնք փորձել են բեռնատար ինքնաթիռով 61 կապիկ տեղափոխել Ալբանիա, հայտնում է Tanzania Todaу առցանց պարբերականը։
«Ձերբակալվել են 52-ամյա Արտյոմ Վարդանյանն ու 44-ամյա Էդուարդ Վարդանյանը: Չնայած Տանզանիայում արգելված է վայրի կենդանիներին երկրից դուրս բերելը, այնուամենայնիվ Վարդանյան եղբայրները անհայտ ճանապարհով կարողացել են կենդանիներին երկրից դուրս բերելու թույլտվություն ստանալ», — գրում է պարբերականը:
Որոշ տվյալներով` Վարդանյան եղբայրները Հոլանդիայի քաղաքացիներ են, Արտյոմ Վարդանյանը՝ նաև Հայաստանի քաղաքացի: Վերջինը Ձորաղբյուրում գտնվող «Ջամբո Պարկ» ռեստորանային համալիրի սեփականատերն է, որտեղ բազմաթիվ էկզոտիկ կենդանիներ կան, այդ թվում` կապիկներ:
