ԵՐԵՎԱՆ, 31 մարտի — Sputnik. Բրյուսելի դատարկված հյուրանոցները մինչև 71 տոկոս զեղչ են առաջարկում, հաղորդում է EU Observer-ը:
Հյուրանոցները ստիպված են գնալ այդ քայլին, քանի որ քաղաքում տեղի ունեցած ահաբեկչությունների պատճառով զբոսաշրջիկներից շատերը հրաժարվում են իրենց ուղևորություններից։
Հյուրանոցների բրյուսելյան ասոցիացիան տեղի հյուրանոցների զբաղվածությունը 20% է գնահատում:
Մարտի 22-ին Բրյուսելում ահաբեկչություններ էին իրականացվել օդանավակայանում և մետրոյի կայարանում: Ահաբեկչության հետևանքով մահացել է 35 մարդ, 300-ը` վնասվածք ստացել։
