ԵՐԵՎԱՆ, 2 ապրիլի — Sputnik. Լեռնային Ղարաբաղի շփման գծում սրված իրավիճակի պատճառով Հայաստանում տեղակայված 102 ռուսական ռազմակայանի ստորաբաժանումները ռազմական արտակարգ պատրաստվածության չեն բերվել, RNS-ին են հայտնել են Հարավային ռազմական օկրուգի շտաբից։
«Կայանի զինծառայողներն իրենց ծառայությունը շարունակում են սովորական ռեժիմով», — ասել է գործակալության զրուցակիցը, սակայն չպատասխանեց այն հարցին, թե ինչպես են վերահսկում Լեռնային Ղարաբաղում տիրող իրավիճակը։
Հայաստանի 102-րդ ռուսական ռազմակայանը տեղակայված է Գյումրիում, Երևանից 126 կմ դեպի հյուսիս։ Ռազմակայանի հարևանությամբ գտնվում է «8-րդ» թաղամասը, որտեղ բնակվում են զինծառայողների ընտանիքները` շուրջ 4000 մարդ։
Ռուսական 102-րդ ռազմակայանը հերթապահություն է կատարում ԱՊՀ ՀՕՊ Միացյան համակարգի շրջանակում։ Հայաստանն ու ՌԴ-ն 2010 թվականի օգոստոսի 20-ին կայանի տեղակայման պայմանագրի գործողության ժամկետը երկարացրել են մինչև 2044 թվականը։ Արձանագրությունները նախատեսում են նաև նրա աշխարհագրական և ռազմավարական պատասխանատվության ոլորտի ընդլայնումը։ Կայանը համալրված է ԶՀՀ Ս-300 և ՄիԳ-19 կործանիչներով։