ԵՐԵՎԱՆ, 2 ապրիլի — Sputnik. Լեռնային Ղարաբաղի Մարտունու շրջանի Զորավան գյուղում հրետակոծության հետևանքով 12-ամյա Վաղինակ Թաթուլի Գրիգորյանը մահացել է, 11-ամյա Վարդան Անդրեասյանն ու 10-ամյա Գևորգ Գրիգորյանը՝ վիրավորվել:
Վիրավոր երեխաները գտնվում են ԼՂՀ «Արևիկ» մանկական հիվանդանոցում:
Մյուս 4 վիրավոր քաղաքացիները՝ 55- ամյան Ծովինար Աղաջանյանը, 43-ամյա Գարեգին Աղաջանյանը, 31-ամյա Զավեն Ավանեսյանը և 19-ամյա Հայկ Թորոսյանը գտնվում են Ստեփանակերտի Հանրապետական բժշկական կենտրոնում:
Բոլոր վիրավորների վիճակը բժիշկները գնահատում են կայուն ծանր:
Զինվորների շրջանում զոհերի և վիրավորների թվի վերաբերյալ պաշտոնական տեղեկատվություն առայժմ չկա։
