Ղարաբաղում կամավորական ջոկատներ են ձևավորվում

Ղարաբաղա-ադրբեջանական սահմանին իրավիճակի աննախադեպ թեժացման և շարունակվող մարտական գործողությունների ֆոնին կամավորականների օպերատիվ շտաբ է ստեղծվել` առաջնագիծ մեկնելու և սահմանին կանգնած զինվորներին օգնելու նպատակով։

Գիշերվա ընթացքում շուրջ հազար մարդ է հավաքվել Ստեփանակերտի կենտրոնում, զինվորական հավաքակայանի մոտ. նրանք ուզում են առաջնագիծ մեկնել։

Զինկոմիսարիատի աշխատակիցները համեմատում են զինապարտների ցուցակները և տարբեր զորամասեր ուղարկում։ Այն շենքի դիմաց, որտեղ կամավորականների հավաք է ընթանում, կազմ-պատրաստ սպասում են ավտոբուսները։