ԵՐԵՎԱՆ, 5 ապրիլի- Sputnik. Ստեփանակերտը համաձայն չէ Ադրբեջանի կազմում լայն ինքնավարության, հայտարարել է Մոսկվայում ԼՂՀ ներկայացուցչության ղեկավար Ալբերտ Անդրյանը։
«Ոչ, նման որոշումն անհնար է։ Այն բանից հետո, ինչ եղավ, նման որոշում (Ադրբեջանի կազմում ինքնավարության մասին) չի կարող լինել ոչ 50 տարի անց, ոչ 100։ Այժմ Ադրբեջանում, Հայաստանում, Ղարաբաղում սերունդ է փոխվել, նոր մարդիկ են ծնվում, շատ մարդիկ, որոնք չեն տեսել այդ պատերազմը և չգիտեն դրա մասին։ Բայց այնպիսի քարոզչություն է ընթանում, Ադրբեջանի նախագահն ամեն օր հայտարարում է, որ ուժով կվերցնի Ղարաբաղը»,- երեքշաբթի ասել է Անդրյանը «Խոսում է Մոսկվան» ռադիոկայանի եթերում:
